Mèsi paske ou enskri pou patisipe nan Atelye Asistans pou Sitwayènte a nan dat 8 oktòb 2026, nan 9505 Williamsburg Plaza, Suite 200, Louisville, KY 40222.

Atelye sa a fèt pou ede w ranpli aplikasyon w pou vin sitwayen Etazini. Nan atelye sa a, nou pa kapab ede w ak lòt pwoblèm legal ki gen rapò ak imigrasyon.

Tanpri, asire w ou pote dokiman sa yo avèk ou pou w ka ranpli aplikasyon w lan:

  • Kat Rezidan Pèmanan (Green Card)

  • Tout paspò ou genyen kounye a ak tout paspò ki ekspire

  • Kat idantite leta oswa pèmi kondwi

  • Kat Sekirite Sosyal

  • Lis adrès kote ou te rete pandan 5 dènye ane yo

  • Lis travay ou te genyen ak lekòl ou te ale pandan 5 dènye ane yo

  • Dat tout vwayaj ou te fè deyò Etazini pandan 5 dènye ane yo

  • Si ou marye: sètifika maryaj, dokiman divòs oswa sètifika lanmò mari oswa madanm ou (si sa aplikab)

  • Si ou gen timoun: batistè, kat rezidan pèmanan (Green Card), oswa sètifika natiralizasyon pou tout timoun ou yo

  • Nenpòt dokiman ki gen rapò ak arestasyon, kontravansyon, oswa prezans nan tribinal (si sa aplikab)

Kòm yon rapèl, anplis ranpli aplikasyon an, ou dwe kapab pale ase anglè pou w pase entèvyou a ak egzamen edikasyon sivik la.